ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి
విశ్రమించవద్దు ఏ క్షణం - విస్మరించవద్దు
నిర్ణయం
అప్పుడే నీ జయం నిశ్చయం రా..
|| ఎప్పుడూ ||
నింగి ఎంత పెద్దదైన రివ్వుమన్న గువ్వపిల్ల రెక్కముందు తక్కువేనురా
సంద్రమెంత గొప్పదైనా ఈదుతున్న చేపపిల్ల
మొప్పముందు చిన్నదేనురా
(పిడుగువంటి పిడికిలెత్తి ఉరుమువల్లె హుంకరిస్తె
దిక్కులన్ని పిక్కటిల్లురా
ఆశయాల అశ్వమెక్కి అదుపులేని కలలుతొక్కి
అవదులన్ని అదిగమించరా
త్రివిక్రమా పరాక్రమించరా విశాల
విశ్వమాక్రమించరా
జలధిసైతమార్పలేని జ్వాలవోలె ప్రజ్వలించ
రా)
పశ్చిమాన పొంచి ఉండి రవిని మింగు
అసురసంధ్య ఒక్కనాడు నెగ్గలేదురా
గుటకపడని అగ్గిఉండ సాగరాలనీదుకుంటు
తూరుపింట తేలుతుంది రా
నిశా విలాసమెంత సేపురా ఉషోదయాన్ని
ఎవ్వడాపురా
రగులుతున్న గుండెకూడా సూర్యగోళమంటిదేరా
|| ఎప్పుడూ ||
నొప్పి లేని నిముషమేది జననమైనా మరణమైనా
జీవితాన అడుగు
అడుగునా
నీరసించి నిలిచిపోతే నిముషమైనా నీది కాదు
బ్రతుకు అంటే నిత్య
ఘర్షణ
దేహముంది ప్రాణముంది నెత్తురుంది సత్తువుంది
ఇంతకన్న సైన్యముండునా
ఆశ నీకు అస్త్రమౌను శ్వాస నీకు శస్త్రమౌను
(దీక్షకన్న
సారదెవరురా)
ఆశయమ్ము సారధౌనురా
నిరంతరం ప్రయత్నమున్నదా నిరాశకే నిరాశ
పుట్టదా
(నిన్నుమించి శక్తియేది నీకు నువ్వు బాసటై ఇదే)
ఆయువంటు ఉన్నవరకు చావుకూడ నెగ్గలేక
శవము పైన గెలుపు
చాటురా
|| ఎప్పుడూ ||